უფლის მიერ არჩეული მოციქულები

საქართველოს სამოციქულო ეკლესია არასწორად აღნიშნავს

                                                   ათ-თორმეტთა მოციქულთა დღესასწაულს...

სანამ ჩემს კითხვას დავსვამ, თორმეტი მოციქულის დღესასწაულის შესახებ, მანამდე გავიხსენოთ თავად მოციქულების დღესასწაულის აღმნიშვნელი თარიღები...

მოციქულთა ხსენების დღე - სვეტიცხოვლობა

13 ივლისს არის კრება წმიდათა დიდებულთა და ყოვლადქებულთა ათორმეტთა მოციქულთა: პეტრესი, ანდრიასი, იაკობ ზებედესი, იოანესი, ფილიპესი, ბართლომესი, თომასი, მათესი,  იაკობ ალფესისა, იუდა-იაკობის (თადეოზისა), სვიმონ მოშურნესი და მატათასი.

კრება წმიდათა დიდებულთა და ყოვლადქებულთა ათორმეტთა მოციქულთა უძველესი დღესასწაულია. ეკლესიას ჭეშმარიტების ამ ქადაგთაგან თითოეულის ღვაწლის მოსაგონებლად საგანგებო დღე აქვს დაწესებული, მაგრამ პეტრე-პავლობის მომდევნო დღეს ყველა მათგანს ერთად იხსენიებს.

 ცნობები ამ დღესასწაულის აღნიშვნის შესახებ IV საუკუნიდან მოგვეპოვება.

ამ დღეს ეკლესია ყველა მოციქულს იხსენიებს...

პეტრე-პავლობის ქრისტიანული დღესასწაული

12 ივლისი დღესასწაულია და ხსენების დღე  დიდებულთა და ყოვლადქებულთა თავთა მოციქულთა პეტრესი  და პავლესი.

პეტრე მოციქული ანდრია მოციქულის ძმა იყო, რომელმაც მიიყვანა კიდეც ის ქრისტესთან. წმიდა პეტრეს ცოლი ჰყავდა და სახლი ჰქონდა კაპერნაუმში. ქრისტესაგან ხმობილი გენისარეთის ტბაში თევზის ჭერის დროს, იგი ყოველთვის იშვიათ ერთგულებასა და გამბედაობას იჩენდა, რითაც განსაკუთრებულად იყო დაახლოებული მაცხოვართან, მოციქულებთან - იაკობთან და იოანე ღვთისმეტყველთან ერთად.

მან პირველმა აღიარა ქრისტე მესიად, რის გამოც მიიღო „კლდის“ ზედწოდება; ამ კლდეზე   უფალმა თავისი ეკლესიის აშენება ინება, რომელსაც ვერას დააკლებდნენ ბჭენი ჯოჯოხეთისანი.

სულიერი ძალა, რომელიც გამომდინარეობდა მოციქულ პეტრესაგან იმდენად ძლიერი იყო, რომ თვით მისი ჩრდილი, რომელიც გადაუვლიდა ქუჩაში მწოლიარე ავადმყოფებს, კურნავდა მათ.

პეტრე მოციქული ქადაგებდა მცირე აზიაში იუდეველებისა და პროზელიტებისათვის, ქადაგებდა ეგვიპტეში, საბერძნეთში, რომში, ესპანეთში, კართაგენსა და ბრიტანეთში; გადმოცემის მიხედვით მარკოზ მოციქულმა თავისი სახარება სწორედ პეტრე მოციქულის მონათხრობის მიხედვით დაწერა.

ახალი აღთქმის წმიდა წიგნებს შორის არის  პეტრე მოციქულის ორი ეპისტოლე. პირველ ეპისტოლეში იგი  განამტკიცებს  ქრისტიანობის აღმსარებლებს რწმენაში ქრისტეს მტერთაგან დევნილობის ჟამს; მეორე ეპისტოლეში პეტრე მოციქული მიმართავს მცირეაზიელ ქრისტიანებს და აფრთხილებს ცრუმოძღვრებათა შესახებ - რაც ემუქრებოდა ქრისტიანთა რწმენასა და ზნეობას: ამ დროს ვრცელდებოდა გნოსტიკური მწვალებლობანი, რომლებიც საზრდოობდნენ იუდევლობის, ქრისტიანობისა და წარმართობის ელემენტებით ერთდროულად.

სიცოცხლის ბოლოსათვის პეტრე მოციქული დაბრუნდა რომში, სადაც მოწამებრივად აღესრულა 67 წელს, თავდაღმა ჯვარზე გაკრული.

წმიდა პავლეს თავდაპირველი სახელი იყო სავლე. იგი დაბადებული იყო ქალაქ ტარსუში, რომელიც განთქმული იყო თავისი ბერძნული აკადემიით და განათლებული მცხოვრებლებით. შემდგომში სავლემ საკუთარი განათლება  სრულყო იერუსალიმში, მაშინდელ გამოჩენილ რაბინ გამალიელთან. გულისხმიერი ჭაბუკი მშვენივრად განისწავლა მოსეს სჯულში და, როგორც ფარისეველი, მისი მტკიცე აღმსრულებელი შეიქნა.აქვე შეისწავლა მან მეკარვეობა, რაც მომავალში ეხმარებოდა მას საკუთარი შრომით საარსებო პურის მოპოვებაში.

ახალგაზრდა სავლე, როგორც ჩანს, ემზადებოდა რაბინის სამოღვაწეო ასპარეზისათვის  და სწავლის გასრულებისთანავე გვევლინება ფარისევლური ტრადიციების თანმიმდევრულ დამცველად და ქრისტიანული სარწმუნოების მდევნელად. იგი ამ საქმეში დიდ გულმოდგინებას იჩენდა თვით პალესტინის საზღვრებს მიღმაც.

უფალმა, ხედავდა რა მასში „რჩეულ ჭურჭელს“, უხმო მას სამოციქულო საქმიანობისათვის. დამასკოსაკენ გზად მიმავალი დიდმა სინათლემ დააბრმავა. ესმა ხმა, თუ რად სდევნიდა იგი უფალს და კითხვაზე, თუ ვისი ხმა ესმოდა, ემცნო, რომ ეს იყო ქრისტე, ვისაც ის სდევნიდა. დამასკოში ჩასული პავლე განსწავლულ იქნა რწმენაში და მესამე დღეს მონათლულს ანანიას მიერ, წყალში შთაფლვისას თვალები აეხილა. ამ დღიდან ის იქცა იმ რწმენის თავდადებულ დამცველად, რომელსაც აქამდე სდევნიდა.  უწინდელი ფარისეველი და ქრისტიანთა სასტიკი მდევნელი მტკიცე აღმსარებელი და უფლის გამორჩეული მოციქული გახდა. ნათლისღების შემდეგ მან არაბეთს მიმართა, სადაც, გადმოცემით, სამი წლის განმავლობაში თავად მაცხოვარი ეცხადებოდა, სჯულს ასწავლიდა და ქრისტიანობის საქადაგებლად ამზადებდა. არაბეთიდან წმიდა პავლე იერუსალიმში ჩავიდა პეტრე, იაკობ და იოანე მოციქულებთან, იქიდან კი - ქალაქ ტარსუში, სადაც ბარნაბა მოციქულთან ერთად მთელი წელიწადი გაატარა საეკლესიო საქმეების მოწყობაში.

სულიწმიდის ბრძანების თანახმად, პავლე მოციქული, მარკოზისა და ბარნაბას თანხლებით, წარმართთა შორის ქრისტეს სჯულის საქადაგებლად გაემგზავრა. მან მოიარა სელევკია და კუნძული კვიპროსი. მისგან ქადაგებული სჯულის ჭეშმარიტება მრავალი სასწაულით მტკიცდებოდა. ეს იყო წმიდა პავლე მოციქულის პირველი მოგზაურობა. ამის შემდეგ იგი ლუკას და შილას თანხლებით კვლავ გაემგზავრა ქრისტეს სწავლების გასავრცელებლად. გაიარა სირია, კილიკია და ლიკაონია, გადავიდა ევროპაშიც - მაკედონიაში, იყო საბერძნეთშიც. პავლე წელიწადნახევარი ცხოვრობდა კორინთოში, შემდეგ კი უკან დაბრუნდა და გზად ეფესოსა და კესარიაში გაჩერდა. მცირე შესვენების შემდეგ წმიდა მოციქული მესამედ გაემგზავრა საქადაგებლად: დააარსა ახალი ეკლესიები და განამტკიცა ძველნი. წმიდა მოციქულის ეს მოგზაურობა უკანასკნელი იყო. ქრისტეს არც ერთ მოწაფეს არ დაუთმენია იმდენი ვნება, ტანჯვა და წვალება, რამდენიც უფლის ამ რჩეულმა ჭურმა დაითმინა.

 უფლის სათნომყოფელი მოციქული მტარვალებმა კესარიაში შეიპყრეს, აქედან კი რომში გააგზავნეს, სადაც 67 წელს იმპერატორი ნერონის ბრძანებით თავი მოჰკვეთეს. 

 პავლე მოციქულმა დაგვიტოვა 14 ეპისტოლე, რომლებიც „ახალი აღთქმის“ წიგნებში შედის.

უფლის სათნომყოფელნი - პეტრე და პავლე თავიანთი ღვაწლით იმდენად გამოირჩნენ ქრისტეს სხვა მოწაფეებს შორის, რომ ეკლესიამ თავნი მოციქულნი უწოდა წმიდანებს და ერთ დღეს დააწესა მათი ხსენება.

ვნახოთ მოციქულების ხსენების დღეები...

№	სურათი	სახელი		ხსენების დღე
01		პეტრე მოციქული		29 (12.07) ივნისი

№	სურათი	სახელი		ხსენების დღე
02		პავლე მოციქული		29 (12.07) ივნისი
03		ანდრია პირველწოდებული		29 (12.05) აპრილი, 30 (13.12) ნოემბერი
04		იაკობ ზებედესი		30 (13.05) აპრილი
05		იოანე ღვთისმეტყველი		8 (21) მაისი
06		ფილიპე მოციქული		14 (27) ნოემბერი
07		ბართლომე მოციქული		11(24) ივნისი
08		თომა მოციქული		6 (19) ოქტომბერი
09		მათე მახარებელი		16 (29) ნოემბერი
10		იაკობ ალფესი		9 (22) ოქტომბერი
11		იუდა იაკობისი		19 (2.07) ივლისი
12		სვიმონ კანანელი		10 (23) მაისი
13		მატათა მოციქული		9 (22) აგვისტო
14		იუდა ისკარიოტელი

ახალი აღთქმა

მათეს სახარება

თავი მეათე

ახალი    ქართულით

ძველი   ქართულით

1	მოუხმო თავის თორმეტ მოწაფეს, და მისცა მათ ხელმწიფება უწმინდურ სულთა განდევნისა და ყოველგვარი სენისა თუ ყოველგვარი უძლურების განკურნებისა.	1	და მოუწოდა ათორმეტთა მოწაფეთა თჳსთა და მისცა მათ ჴელმწიფებაჲ სულთა ზედა არაწმიდათა, რაჲთა განასხმიდენ მათ და განჰკურნებდენ ყოველთა სენთა და ყოველთა უძლურებათა.
2	ხოლო ამ თორმეტი მოციქულის სახელებია: პირველად სიმონი, პეტრედ წოდებული, და მისი ძმა ანდრია; იაკობი ზებედესი და მისი ძმა იოანე;	2	ხოლო ათორმეტთა მათ მოციქულთა სახელები ესე არს: პირველად სიმონ, რომელსა ეწოდა პეტრე, და ანდრეა, ძმაჲ მისი, იაკობ ზებედესი და იოვანე, ძმაჲ მისი,
3	ფილიპე და ბართლომე; თომა და მათე მებაჟე; იაკობი ალფესისა და ლებეოსი, თადეოსად სახელდებული;	3	ფილიპე და ბართლომე, თომა და მატთეოს მეზუერე, იაკობ ალფესი და ლებეოს, რომელსა ეწოდა თადეოს,
4	სიმონ კანანელი და იუდა ისკარიოტელი, რომელმაც გასცა იგი.	4	სიმონ კანანელი და იუდა ისკარიოტელი, რომელმანცა განსცა იგი.

ახლა კი დავსვავ ჩემს კითხვას....საქართველოში ყოველი მეორე ადამიანს რომ კითხოთ, ყველა გეტყვით რომ უფალს ყავდა სულ 12 მოციქული და ქუჩაში 12 მოციქულის ხსენების დღეს ერთმანეთს ულოცავენ ათთორმეტთა დღესასწაულს...

ისტორიას თუ გადავავლებთ თვალს და მოციქულთა თავნის დღესასწაულს პეტრე-პავლობას 12 ივლისს რომ აღენიშნება, მაშინ საიდან გამოდის 12 მოციქული...???

იქნებ დაფიქრდეთ ამაზე...?

ვინმე მეტყვით უფალმა 12 მოციქული გამოირჩიაო.... დიახ დაგეთანხმებით.... მაგრამ სულიწმინდამ და უფალმა ხომ შემდგომ მატათა გამოირჩია...? დავსვავ ასეთ კითხვას... ვინმე უარყოფს...?

ვერა ან არამგონია რომ უარყოთ, რადგან სამოციქულოში ნათლად წერია მატათას არჩევა სულიწმინდის მიერ...

უკვე 13 გამოვიდა ხომ ასეა...? იუდას გამოვცაკლებთ თუ არა უფალმა ხომ აირჩია...? ჩვენ რატომ ვაშორებთ მოციქულებიდან...? მან რა ჩაიდინა ეს ადამიანების განსაკითხი არ არის... ამაზე სხვა დროს ვისაუბროთ... აქ ამ ეტაპზე თავს შევიკავებ ზედმეტი კომენტარისგან...

მე მინდა დავაფიქსირო ის ფაქტი და რაოდენობა რომ რამდენი ყავდა უფალს მოციქული სულ... იუდა ისკარიოტელიც რომ გამოვაკლოთ მაინც არ ყავს უფალს 12 მოციქული...

არამედ 13 მოციქულია   ......

ანუ თანმიმდევრონით რომ მივყვეთ, იუდას გამოკლების შემდეგ დაემატა მატათა, ანუ თუ არ ჩავთვლით რომ მატათა მეცამეტე მოციქულია, კარგით ბატონებო, იყოს მეთორმეტე... მაგრამ მის შემდეგ ხომ დაემატა    სავლე- ეწოდა პავლე მოციქული რომელსაც დღესაც და მაშინაც უწოდებდნენ მოციქულთა თავნს... ამასთან დაკავშირებით 12 ივლისს აღინიშნება მოციქულთა  თავნის პეტრე და პავლეს ხსენების დღე... პეტრე-პავლობა... მემგონი ამასაც ვერავინ უარყოფს.... ხომ ასეა....?????

მაშინ თვლა არ ვიცით ადამიანებმა.....? მე პირადათ სუბიექტურად არავის ვაყენებ შეურაცხყოფას, გამოდის თუ არა 13 მოციქული რომელიც ქადაგებდა ქრისტეს სახარებას....

ანუ რა გამოვიდა...? უფალს სულ ყოლია 14 მოციქული...იუდა რომ გამოაკლო დარჩება 13 მოციქული.... ყოველი მათგანის ხსენების დღე ზემოთ დავწერე და შეგიძლიათ გადაამოწმოთ...

ასე რომ ჩემი პასუხი ესეთია...